நான் எழுதிய காமிக்ஸ் !

ஒரு  சிறிய  இடைவேளைக்கு பிறகு  மீண்டும்  சந்திக்கிறோம் !   வேலை சுமையின்  காரணமாக  எழுத  இயலாமல்  போனது .  நேரம்  கிடைத்து  எழுதலாம்  என்றால்  எதை  எழுதுவது  என்று  மறந்து  போனது . ஒரு வழியாக  யோசித்து  எழுதுகிறேன் .  இதில்  சுய  விளம்பரம்  கண்டால்  தயை  கூர்ந்து  மன்னிக்கவும் .   

 காமிக்ஸ்  படிக்கும்  எல்லோருக்கும்  ஒரு கனவு  இருக்கும்!  அது  நாம்  எழுதிய  காமிக்ஸ்  அல்லது  வரைந்த  காமிக்ஸ்  வெளிவர வேண்டும்  என்பதே  அது!  சிறியதோ  அல்லது  பெரியதோ  வெளிவந்தால்  போதும் .  அப்படி  நான்  எழுதிய  ஒரு சிறு காமிக்ஸ் ஸ்ட்ரிப்  வெளிவந்ததை  தான்  இதில்  சொல்ல விரும்புகிறேன் . 10ஆம்  படிக்கும்  காலத்தில்  ஆங்கிலத்தில்  வெளிவரும்  tinkle  விரும்பி படிப்பேன்  தமிழில்  பூந்தளிர்  .  அதில்  வரும்  ஷிகாரி  சாம்பு  (வேட்டைக்கார  வேம்பு)  தந்திரி  தி  மந்திரி  கதைகள்  மிக பிடிக்கும்   அதிலும்  மந்திரி  கதைகள்  என் பிரியமானவை . மந்திரி  கதைகள்  iznogoud  கதாபாத்திரத்தின்  இந்திய  படைப்பு . அன்றைய  காலத்தில்  வாசர்களின்  கதைகளை  வெளியிட்டு   சன்மானமும்  தந்தனர் . அதன் மூலம்  நானும்  விளையாட்டாக  ஒரு கதை  எழுதி  அனுப்பினேன் . பின்னர் அதனை  மறந்தே  போனேன் . சுமார்  இரண்டு   வருடங்கள் கழிந்து  திரு  ஆனந்த பை   அவர்களிடமிருந்து  ஒரு  கடிதம்  வந்தது  உங்கள்  கதை  ஏற்று கொள்ளப்பட்டது . சில  காலம்  பொறுத்தால்  அது  அச்சில்  வெளிவரும்  என்றும்  அதற்க்கு  200 ரூ  சன்மானம்  உண்டு  என்று  இருந்தது .  ஒரே  ஆனந்தம்  தான் .  எல்லோரிடமும்  பெருமை  அடித்து  கொண்டேன் .   சொன்னபடியே tinkle  இதழ்  413

என் கதை  வெளிவந்தது .  8 பக்கங்களை  எழுதி  அனுப்பி இருந்தேன்   ஆனால்  4

பக்கங்கள்  மட்டுமே  இருந்தது . எடிட்டிங்  போல  வந்ததே  பெரிய  விஷயம்  என்று  அமைதி  அடைந்தேன் . நண்பர்களிடம்  ஒரு  பந்தா . அந்த  வயதில்  ஏதோ  சாதித்து  விட்டதாக  ஒரு  எண்ணம் . தொடர்ந்து  எழுத  முடியாமல்  காலச்சூழலில்  சிக்கி  கொண்டேன் .  அனால்  விதி  அதே  நிறுவனத்தில்  என்னை  வேலைக்கு  சேர்த்து  விட்டது ! இதை  எண்ணி  இன்னமும்  வியந்து  போகிறேன் !   ஓவர்  விளம்பரம்  ஆகிவிட்டது  இத்துடன்  நிறுத்தி  கொண்டு  கதையினை  கீழே  தருகிறேன் .

நண்பர்கள் யாருக்காவது  இது போன்ற  அனுபவம்  இருந்தால்  எழுதுங்களேன் !